ஒரே உலாவியில் பல ஜிமெயில் கணக்குகள்!

ஒன்றுக்கு மேற்பட்ட ஜிமெயில் மின்னஞ்சல் முகவரிகளை வைத்திருக்கும் நபரா நீங்கள்? அப்படியாயின் இந்தப் பதிவு உங்களுக்கு உதவும்.

உங்களிடம் இரண்டு ஜிமெயில் மின்னஞ்சல் கணக்குகள் உண்டு என்று வைத்துக் கொள்வோம். இரண்டு மின்னஞ்சல் கணக்குகளையும் ஒரே நேரத்தில் ஒரே இணைய உலாவியில் திறந்து பயன்படுத்த முடியுமா? அண்மைக் காலம் வரை இது சாத்தியம் இல்லாமல் இருந்தது. இரண்டு இணைய உலாவிகளில் இரண்டு மின்னஞ்சல் கணக்குகளை திறந்து பயன்படுத்தவேண்டி இருந்தது.

ஆனால் கூகிள் வழங்கும் Multiple Sessions வசதியைப் பயன்படுத்தி ஒரே நேரத்தில் 10 மின்னஞ்சல் கணக்குகளை ஒரே இணைய உலாவியில் திறந்து பயன்படுத்த முடியும். எப்படி என்று பார்ப்போமா?

முதலில் ஏதாவது ஒரு மின்னஞ்சல் கணக்கினுள் நுழைந்து கொள்ளுங்கள். பின் Sign in to multiple Google Accounts என்ற இணைப்பை கிளிக் செய்யுங்கள். வருகின்ற பக்கத்தில் On – Use multiple Google Accounts in the same web browser. என்பதை தெரிவு செய்து எல்லாத் தெரிவுகளையும் தெரிவு செய்யுங்கள்.

மறக்காமல் Save பொத்தானை அழுத்திச் சேமியுங்கள்.

பின் உங்கள் தற்போதைய மின்னஞ்சல் கணக்கில் இருந்து வெளியேறுங்கள். (Sign out)

வெளியேறிய பின் ஏதாவது ஒரு கணக்கினுள் நுழையுங்கள். இப்போது வலது மேல் மூலையில் உங்கள் கணக்கின் பெயரைக் கிளிக் செய்யுங்கள். Switch account என்ற இணைப்பை கிளிக் செய்யுங்கள்.

பின் Sign in to another account… என்பதை கிளிக் செய்யுங்கள்.

இப்போது நீங்கள் உங்கள் மற்றைய மின்னஞ்சல் கணக்கினுள் நுழையுங்கள்.

முதலில் உட்ச் சென்ற மின்னஞ்சல் கணக்கிற்கு மாற விரும்பினால் மீண்டும் Switch account என்ற இணைப்பை அழுத்துங்கள். இந்த முறை நீங்கள் முதலில் சென்ற மின்னஞ்சல் முகவரியை தெரிவு செய்து அந்தக் கணக்கினுள் செல்லலாம்.

ஆரம்பத்தில் குறிப்பிட்டவாறு ஒரே நேரத்தில் 10 கணக்குகளில் ஒரே இணைய உலாவியில் நுழைய முடியும்.